INFORMACIÓN BÁSICA SOBRE A VIAXE DA MOCIDADE A MALLORCA
Como xa estarás informado, O Concello de Brión programa todos os veráns unha viaxe para a mocidade do municipio con idades comprendidas entre 18 e 35 anos. De cara a este verán, o Concello ten previsto realizar unha viaxe á illa de Mallorca, na Comunidade das Illas Baleares.
PARTICIPANTES, DATAS, PREZO E HORARIOS
Poderán participar preferentemente todos os mozos e mozas empadroados no Concello de Brión de entre 18 e 35 anos.
A viaxe realizarase entre o 20 e o 27 de Xullo de 2013
O prazo de inscrición permanecerá aberto
O prezo da viaxe é de 255€ e inclúe desprazamentos e estancia a media pensión (pernocta, almorzo e cea) no Albergue de la Victoria en Alcudia (Mallorca), ademais das saídas que se realicen durante a estancia na illa. É necesario aboar esta cantidade
ALOXAMENTO
O aloxamento será no Albergue de la Victoria (Alcudia) -Institut Balear de la Joventut- (ligazón coa web) Situado na península de Alcudia nun ámbito de mar e montaña de destacable interese paisaxístico e natural, o albergue está tan só a uns 200 m do mar. A zona litoral deixa paso a un piñeiral que presenta unha área de monte baixo de acebuche con plantas propias de vexetación de montaña. A zona da Victoria xuntamente co cabo piñeiral está declarado como Área Natural de Especial Interese (ANEI).
VISITAS E ACTIVIDADES
A medida que nos vaiamos achegando a data da viaxe iremos informando sobre as distintas actividades que se levaran a cabo durante a viaxe de 2013.
NORMAS
Este viaxe está pensado coma unha excursión de grupo, e como tal o que se pretende e que o grupo permaneza unido. Para poder asistir a esta viaxe é necesario respectar unha serie de normas básicas de comportamento:
- As saídas e actividades son totalmente obrigatorias, é dicir, ningún dos participantes pode facer a viaxe por libre, hai que respectar horarios tanto das comidas coma das saídas, diúrnas e nocturnas.
- O albergue onde nos imos aloxar terá uns horarios flexibles pero á vez controlados.
- Os encargados do grupo serán os monitores, que en todo momento serán responsables de que os participantes cumpran coas normas establecidas previamente. Estes terán a capacidade para poder devolver á Brión calquera participante que non cumpra axeitadamente coas normas establecidas.
- Imos durmir nun Albergue todos xuntos e con outros grupos, para o bo funcionamento da convivencia entre todos estableceranse unas normas básicas que non poderán ser vulneradas baixo ningún concepto.
17:29 |
Category: |